هسهسه

أنا اللى فهمته بعد زمن تخيلت انى كده اكتشفت سر و حكمه كونيه فظيعه ان احساس الانسان عامل زى طبقة الجلد اللي بنفضل رقيقه و ناعمه و سهلة القطع طول ما هى متغطيه ومش بتحتك بحاجه بس لما بتتكشف و تتعرض لعوامل احتكاك و تتعوركذا مره بتكون طبقه تخينه كده كنوع من الحمايه يعنى زى الناس اللى بيمشوا حافيين كده فى الشارع من غير ما يتعوروا .. بس الظاهر كده والله اعلم ان الموضوع ده مش صح اوى لأنك مهما مشيت حافى باحساسك فى الشارع فى محاوله للتعود ... بتلاقى ناس كده عندهم الفدره و بأطول شوكه و جوه فلبك عدل وفى اضعف حته يروحوا معورينك برضه

اذا كنت تخجل من ملابسك القديمه و أحذيتك المرقعه فكيف لا تخجل من أفكارك القديمه و مذاهبك المرقعه؟
أنيس منصور

Back to my space

بألي كتير اوي ماباكتبش بس كنت بتابع اللى بيتكتب للناس اللى بحب اقرالهم زى شغف و جاسر و ديدو و مويا ...... و بعدين لقيت من كام يوم كده شغف كاتبه تعليقات عندى و بتسألنى لييه البوست من زمان اوى كده.

ماعرفتش الاقى رد جوايا أوى. بس كان مكتئبه و ماليش نفس اتكلم يمكن ,, كمان كل ما أقرا الااقى الناس هنا بيقولو كلام جامد أوى, أدب وفلسفة الحقيقه ,, و أنا كنت علمى :)) و عمري ماكنت باعرف أكتب نص صفحه حتى ,بس بيتهايألى ان مش مهم أنى أكتب كلام عميق أو تكون لغتى قويه ,, أنا نسيت أنى أصلا عملت موضوع البلوج ده عشان الاقى مكان اتكلم فيه بطريقتى و اقول كل اللى انا عايزاه ,,اللى بيبسطنى و اللى بيضيايقنى و على راحتى كده من غير ماتكسف من ضعفى ولا أخبى عيوبى ولا حد يقوللى كفايه اكتئاب بقى ولا مالك فرحانه كده ليه,, يللا الحمد لله على سلامتى

بجد thank u so much ya sha3'af