كلاكيت عاشر مره
أهو جه وعدا الفالينتاين نيله و انا زي مانا,, كل سنه اقول معلش عادي والسنه الجايه أكيد مش هابقى لوحدي
,, وزي العبيطه أصدق نفسي أعمل قال ياعني مش هاممني وأقول أصلا أيه العبط اللي هما فيه ده,, فالينتاين ايه ده,,,
بس السنه دي مش قادره بجد قلبي مش مستحمل و موجوعه أوي
بجد باودي وشى الناحيه التانيه لما بعدى على محل ورد عينيه بتدمع فى الشارع و ببقى نفسى اصرخ
يعنى انا مش فاهمه ,,ما كل واحد يقول للى بيحبه كل سنه و انت طيب بينهم و بين بعض و بلاش يوجعولنا قلبنا
وأقول هنفرح
فى يوم هنفرح
ويوم مانفرح
على الله يفضل
فى القلب حته
على سلامه
posted by roza at 12:00 PM
6 Comments:
شوفى .. هو بغض النظر عن موضوع الفالنتاين و الحاجات دى .. الكويس ف الموضوع ده هو الغنوة اللى انتى قفلتى بيها .. على سلامة و وجيه عزيز بصراحة أحلى من ميت فالنتاين بمنافعهم:)
اتربينا على السلبية وانتظار ما سيأتي
ليه مانخدش خطوة؟ا
بمعنى لو فيه واحدة عجباني ليه معبرلهاش عن رأيي؟ا
وأنتي لو واحد عاجبك ليه متعبريش عن مشاعرك ؟ا
أنا مش عارف لو كونتي بتعملي كده ولا لأ ؟ بس حاسس أنك تفضلين انتظار أن يأتي الحبيب
بعد الطوفان :)
اه الحقيقه على سلامه ده يخرب عقله
شغف :)
والله يا بنتى انا شايفه انه بقى زياده اوى بس برضه مفيش مانع انه يوم الناس تفتكر اللى بينسوه طول السنه
حلوه حكاية جواب لنفسى دى برضه :)
film 69 :)
هو الحقيقه الحكايه كانت ان حظى ان اليوم ده دايما بيعدى عليه و انا لوحدى ... بس برضه انا معاك جدا فى حكاية ان احنا اتربينا على السلبيه عموما مش فى الحب بس
as I said in a recent post of mine
ماتخافيش
احلى يوم فى عمرك لسّة ماجاش
batabeet :)
ادينى مستنيه أحلى يوم ده
كل شئ بأوان
ويمكن لما ييجي في وقته هيبقي طعمه احلي
وهيبقي احساس حقيقي مش مجرد وردتين ودبدوب وقلب احمر
Post a Comment
<< Home